Banner

غزل

10.10.2007 13:56 د خپل ارمان غوندې يم وړاندې ځمه ، شا ته راشم
 د جګ غره کاڼی شوم چې و خوزم بيديا ته راشم
 زه چې څېړنه د ژوند هرې فلسفې شروع کړم
 په نتيجه کې يې ضرور دا ستا ښکلا ته راشم
 د څڼورنګ چې مې شي ساز د طبيعت درو کې
 د ذات اوبه شم د شپې تور رګ کې سوما ته راشم
 لمر چې سر پورته کړي د بلې ډېوې رنګ واړوي
 داسې چې زه د زړه نه ولوېږمه تا ته راشم
 يون مې د غشيو پر سرو تکيه پر خدای جلانه !
 مور مې هم مړه دعا چانه واخلم چا ته راشم
 

ستاسو تبصره


لطفاً لاندې افغانستان په انګليسي تورو وليکئ.